No partido desta xornada fronte o Caselas CF, quixemos rendir unha especial homenaxe a dous dos xogadores que formaron parte das 3 primeiras tempadas da historia da Unión Deportiva Ourense. Xaco e Diego Soto recollerían no seu Estadio e ante a súa afección sendas placas nas que se lles recoñece e valora o seu traballo e a súa aposta polo renacer dun novo Ourense.

Ante os merecedores aplausos dos numerosos afeccionados que se derón cita no Estadio do Couto, visualizouse no marcador un vídeo que recollía os mellores momentos vividos por ambos coa elástica da UD. Ourense.

Bonitos e entrañables momentos os recordados, nos que novamente damos as grazas e os parabéns a estes grandes xogadores que, quedarán para sempre marcados na historia da Unión Deportiva Ourense.

ESTATÍSTICAS E DATOS PARA O RECORDO

XACO   Partidos oficiais xogados 110 (récord do clube) 90 como titular, 62 partidos completos 45 goles (42 en Liga, 3 en Copa) (2º máximo goleador da historia do clube) 7.820 minutos   DIEGO SOTO   Partidos oficiais xogados, 64 (6º xogador con máis partidos). 56 como titular, 34 partidos completos. 2 goles (ambos en Liga) 4.521 minutos  Ambos xogadores quedarán para sempre na Historia do clube xa que foron titulares no primeiro amistoso do clube (contra o Barbadás), titulares no primeiro partido oficial (contra o Santa Teresita) e titulares no primeiro partido de Liga (contra o Razamonde).